Фотатэхнічная экспертыза дакументаў

Аб’екты

• фотаздымкі, кінастужкі, негатывы, відэазапісы, фотаапараты, а таксама іншыя матэрыялы.

Задачы

• атаясамленне фота- і кінаапаратуры, лабараторнага абсталявання (павелічальнікаў, разакоў, рамак для кадравання);
• атаясамленне ўчасткаў мясцовасці, памяшканняў, прадметаў па негатывах і пазітывах, выявах на фотаздымках, кінастужцы ці відэазапісах;
• вызначэнне ўмоў здымкі і апрацоўкі фотаматэрыялаў;
• вызначэнне памераў аб’ектаў і адлегласцяў паміж імі;
• выяўленне фатаграфічнага мантажу і рэтушы, ідэнтыфікацыя негатываў і пазітываў па адбітках.

Патрабаванні да матэрыялаў, якія накіроўваюцца на экспертызу

Пры падачы відэазапісаў у заяве аб правядзенні экспертызы неабходна пазначаць, выява якога менавіта аб’екта з зафіксаваных на запісе з’яўляецца аб’ектам даследавання, а таксама зазначаць часавыя межы відэазапісу з адлюстраваннем выявы аб’екта, які падлягае даследаванню. У выпадку неабходнасці, у распараджэнне эксперта перадаецца адмысловае праграмнае забеспячэнне, неабходнае для прайгравання відэазапісаў.

Пры правядзенні на платнай аснове фотатэхнічных экспертыз вырашаюцца наступныя пытанні

• Ці ёсць прыкметы мантажу на прадстаўленых фотавыявах?
• Ці выраблены прадстаўленыя фотавыявы з выкарыстаннем аднаго і таго ж абсталявання?
• Ці адлюстраваны адзін і той жа аб’ект (прадмет) на прадстаўленых фотавыявах?