РУП “Белсудэкспертазабеспячэнне”

Асноўныя віды дзейнасці РУП “Белсудэкспертазабеспячэнне”

• правядзенне судовых будаўніча-тэхнічных і эканамічных (бухгалтарскіх) экспертыз;
• незалежная ацэнка вартасці аб’ектаў грамадзянскіх правоў, у тым ліку: ацэнка транспартных сродкаў, нерухомасці, зямельных участкаў, машын і абсталявання, а таксама ацэнка прадпрыемства (бізнесу), ацэнка страт і пераацэнка асноўных сродкаў;
• вытворчасць і рэалізацыя спецыяльных упаковачных матэрыялаў для экспертных падраздзяленняў і праваахоўных органаў;
• выраб спецыяльных тэхнічных сродкаў для экспертнай дзейнасці, у тым ліку вытворчасць крыміналістычных чамаданаў;
• аказанне рытуальных паслуг насельніцтву, звязаных з падрыхтоўкай цела нябожчыка да пахавання;
• вытворчасць і рознічны гандаль рытуальнымі таварамі;
• пахавальныя паслугі: паслугі па перавозцы і вынасе цела памерлага, паслугі па арэндзе жалобнай залы і рытуальнага агента.

Прадпрыемства актыўна развівае новыя віды дзейнасці, такія як:

• распрацоўка праграмных прадуктаў для забеспячэння экспертнай дзейнасці і іх суправаджэнне;
• абслугоўванне вылучаных каналаў сувязі з мэтай перадачы інфармацыі паміж падраздзяленнямі ў сістэме Дзяржаўнага камітэта судовых экспертыз Рэспублікі Беларусь;
• распрацоўка тэхнічных сродкаў для экспертнай дзейнасці, вытворчасць упаковачных матэрыялаў, спецыяльных крыміналістычных чамаданаў.

Задачы, функцыі, структура РУП «Белсудэкспертазабеспячэнне»

Асноўнымі задачамі прадпрыемства з’яўляюцца задавальненне патрэб насельніцтва Рэспублікі Беларусь у працах і паслугах, шляхам ажыццяўлення комплекснага абслугоўвання на базе моргаў Дзяржаўнага камітэта судовых экспертыз у сферы рытуальных паслуг, правядзенне судовых будаўніча-тэхнічных і эканамічных экспертыз і экспертыз па зваротах грамадзян і арганізацый, умацаванне матэрыяльна-тэхнічнай базы заснавальніка, а таксама забеспячэнне сацыяльных і эканамічных інтарэсаў работнікаў прадпрыемства і заснавальніка.

У структуру прадпрыемства ўваходзіць галаўное падраздзяленне і пяць філіялаў у абласных цэнтрах Рэспублікі Беларусь.

На сённяшні дзень на тэрыторыі Рэспублікі Беларусь функцыянуе:

• 68 аддзяленняў па аказанні рытуальных паслуг, звязаных з падрыхтоўкай цела нябожчыка да пахавання;
• 46 крам па продажы рытуальных тавараў;
• 10 вытворчых участкаў па вырабе рытуальнай прадукцыі.