Падставы і парадак прызначэння экспертыз вызначаюцца Крымінальна-працэсуальным, Грамадзянскім працэсуальным і Гаспадарчым працэсуальным кодэксамі Рэспублікі Беларусь, якія вызначаюць, што экспертызы па крымінальных, грамадзянскіх і гаспадарчых справах прызначаюцца ў тых выпадках, калі для вырашэння пэўных пытанняў неабходныя спецыяльныя веды ў навуцы, тэхніцы, мастацтве, рамястве і іншых сферах дзейнасці (арт. 226 КПК, арт. 216 ГрПК, арт. 75 ГПК Рэспублікі Беларусь).

У адпаведнасці з артыкулам 173 КПК Рэспублікі Беларусь экспертызы (за выключэннем экспертыз, звязаных з ужываннем мер працэсуальнага прымусу ў дачыненні да фізічных асоб) могуць прызначацца да ўзбуджэння крымінальнай справы, калі высновы экспертызы могуць мець істотнае значэнне для яе ўзбуджэння (арт. 226 КПК). Гэтак сама экспертызы могуць прызначацца на любой стадыі грамадзянскага ці гаспадарчага працэсу (арт. 216 ГрПК, арт. 75 ГПК Рэспублікі Беларусь).