Электронныя звароты ў цэнтральны апарат Дзяржаўнага камітэта судовых экспертыз Рэспублікі Беларусь накіроўваюцца на адрас электроннай пошты (sudexpertiza@sudexpert.gov.by) або з дапамогай электроннай формы «Электронны зварот», размешчанай на дадзеным сайце.

Электронны зварот выкладаецца на беларускай ці рускай мове.

У зваротах павінна змяшчацца інфармацыя аб выніках іх папярэдняга разгляду з прыкладаннем (пры наяўнасці) дакументаў, якія пацвярджаюць гэту інфармацыю.

Дапушчальнымі фарматамі дакументаў, якія далучаюцца, і (ці) звестак у электронным выглядзе і іх графічных выяў на папяровых носьбітах (сканаў) з’яўляюцца Portable Document Format/A (PDF/A), Office Open XML (DOCX), падвойны фармат з разметкай (DOC), Rich Text Format (RTF), тэкставы файл (TXT), Open Document Format (ODT), фармат архівавання і сціскання даных (ZIP, RAR), Portable Network Graphics (PNG), Tagged Image File Format (TIFF), Joint Photograph Experts Group (JPEG), Joint Photograph Group (JPG).

Да электронных зваротаў, якія падаюцца прадстаўнікамі заяўнікаў, павінны прыкладацца электронныя копіі дакументаў, якія пацвярджаюць іх паўнамоцтвы.

Электронныя звароты грамадзян павінны змяшчаць:

• назву і (ці) адрас арганізацыі або пасаду асобы, якім накіроўваецца зварот;
• прозвішча, уласнае імя, імя па бацьку (калі такое ёсць) або ініцыялы грамадзяніна, адрас – яго месца жыхарства (месца знаходжання);
• выкладанне сутнасці звароту;
• адрас электроннай пошты грамадзяніна.

Электронныя звароты юрыдычных асоб і індывідуальных прадпрымальнікаў павінны змяшчаць:

• назву і (ці) адрас арганізацыі або пасаду асобы, якім накіроўваецца зварот;
• поўную назву юрыдычнай асобы і яе месца знаходжання;
• выкладанне сутнасці звароту;
• прозвішча, уласнае імя, імя па бацьку (калі такое ёсць) або ініцыялы кіраўніка ці асобы, упаўнаважанай у вызначаным парадку падпісваць звароты;
• адрас электроннай пошты юрыдычнай асобы.

Пры невыкананні патрабаванняў, якія прад’яўляюцца да формы і зместу электронных зваротаў, або пры адсутнасці прыкладзеных электронных копій дакументаў, якія пацвярджаюць паўнамоцтвы прадстаўнікоў заяўнікаў, электронныя звароты могуць быць пакінуты без разгляду па сутнасці.

Адкліканне электроннага звароту:

У адпаведнасці з артыкулам 16 Закона Рэспублікі Беларусь «Аб зваротах грамадзян і юрыдычных асоб» заяўнік мае права адклікаць свой зварот да разгляду яго па сутнасці шляхам падачы адпаведнай пісьмовай заявы.

У выпадку адклікання заяўнікам свайго звароту орган Дзяржаўнага камітэта судовых экспертыз Рэспублікі Беларусь спыняе разгляд гэтага звароту па сутнасці і вяртае заяўніку арыгіналы дакументаў, прыкладзеных да звароту.

Ананімныя звароты

Ананімныя электронныя звароты, гэта значыць звароты заяўнікаў, у якіх не пазначана прозвішча, уласнае імя, імя па бацьку (калі такое ёсць) або ініцыялы грамадзяніна ці адрас яго месца жыхарства (месца знаходжання) або назва юрыдычнай асобы (поўная ці скарочаная) ці яе месца знаходжання або названыя дадзеныя не з’яўляюцца сапраўднымі, не падлягаюць разгляду, калі яны не змяшчаюць звестак аб злачынстве, якое рыхтуецца, здзяйсняецца ці ўжо здзейснена.

Пакіданне электронных зваротаў без разгляду па сутнасці

Электронныя звароты могуць быць пакінуты без разгляду па сутнасці, калі:

• звароты не адпавядаюць патрабаванням, якія прад’яўляюцца да афармлення і зместу зваротаў;
• звароты падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах, звароты з’яўляюцца зваротамі работніка да наймальніка або ў адпаведнасці з заканадаўчымі актамі вызначаны іншы парадак падачы і разгляду такіх зваротаў;
• звароты змяшчаюць пытанні, вырашэнне якіх не адносіцца да кампетэнцыі арганізацыі, у якую яны паступілі, у тым ліку калі заўвагі і (ці) прапановы, унесеныя ў кнігу заўваг і прапаноў, не належаць да дзейнасці гэтай арганізацыі, індывідуальнага прадпрымальніка, не тычацца якасці тавараў, якія яны вырабляюць (рэалізуюць), работ, якія выконваюць і паслуг, якія аказваюць;
• прапушчаны без уважлівай прычыны тэрмін падачы скаргі;
• заяўнікам пададзены паўторны зварот, у тым ліку ўнесены ў кнігу заўваг і прапаноў, і ў ім не змяшчаюцца новыя акалічнасці, якія маюць значэнне для разгляду звароту па сутнасці.

Адказы (апавяшчэнні) на электронныя звароты накіроўваюцца на адрас электроннай пошты заяўнікаў, пазначаны ў электронных зваротах.

На электронныя звароты даюцца пісьмовыя адказы (накіроўваюцца пісьмовыя апавяшчэнні) у выпадках, калі:

• заяўнік у сваім электронным звароце просіць накіраваць пісьмовы адказ або адначасова накіраваць пісьмовы адказ і адказ на адрас яго электроннай пошты;
• у электронным звароце пазначаны адрас электроннай пошты, на які па тэхнічных прычынах не атрымалася даставіць адказ (апавяшчэнне).

У выпадку, калі электронныя звароты, якія паступаюць ад розных заяўнікаў, маюць аналагічны змест і носяць масавы характар (больш за дзесяць зваротаў), адказы на такія звароты па рашэнні кіраўніка дзяржаўнага органа ці іншай дзяржаўнай арганізацыі або асобы, упаўнаважанай ім падпісваць у вызначаным парадку адказы на звароты, могуць размяшчацца на афіцыйным сайце дзяржаўнага органа ці іншай дзяржаўнай арганізацыі ў глабальнай камп’ютарнай сетцы Інтэрнэт без накіравання адказаў (апавяшчэнняў) заяўнікам.