Дзяржаўны камітэт судовых экспертыз
Рэспублікі Беларусь

Аб'ектыўнасць. Гонар. Айчына.

Афіцыйны сайт

Глебазнаўчая экспертыза

Аб’екты

  • глебавыя наслаенні на розных прадметах-носьбітах (адзенні, абутку і інш.);
  • узоры глебы з канкрэтных участкаў мясцовасці.

Задачы

  • вызначэнне наяўнасці і лакалізацыі глебавых рэчываў на прадмеце-носьбіце (чалавеку, жывёле, прадмеце);
  • вызначэнне агульнай радавой/групавой прыналежнасці, прыналежнасці да ўчастка мясцовасці глебы, вынятай з аб’екта-носьбіта і месца, якое правяраецца;
  • наяўнасць у глебе ўключэнняў, характэрных для канкрэтных крыніц забруджванняў.

Патрабаванні да матэрыялаў, якія накіроўваюцца на экспертызу

  • глеба, прадстаўленая для даследавання, павінна быць высушана да паветрана-сухога стану;
  • недапушчальным з’яўляецца выняцце глебы на ліпкія стужкі тыпу «скотч», ватна-марлевыя тампоны, дактаплёнкі;
  • параўнальнае даследаванне не праводзіцца, калі маса аб’екта менш за 0,1 г;
  • пробы глеб падзяляюцца на два віды: параўнальныя ўзоры, якія бяруцца з участка, які ідэнтыфікуецца, або з некалькіх участкаў праверкі, і кантрольныя ўзоры, якія адбіраюцца з навакольных участкаў тэрыторый для вылучэння ўчастка мясцовасці, які ідэнтыфікуецца. Кантрольнымі ўзорамі пры даследаванні глебавых наслаенняў з абутку будуць з’яўляцца ўзоры глебы, вынятыя з месца пражывання ці месца працы асобы, якая правяраецца. Яны адбіраюцца з мэтай вылучэння з усёй масы глебавых наслаенняў той часткі, якая не мае дачынення да падзеі, якая цікавіць;
  • упакоўка ўзораў глебы не павінна дапускаць рассыпання пры транспартаванні і захоўванні;
  • кожны ўзор глебы нумаруецца, спакоўваецца асобна і да заявы прыкладваецца схема месцаў адбору ўзораў;
  • прадметы-носьбіты павінны пакавацца, не дапускаючы пераносу глебавых наслаенняў на іншыя ўчасткі ці іх поўнага абсыпання.

Пытанні, якія вырашаюцца пры правядзенні глебазнаўчай экспертызы

  • Ці ёсць на прадстаўленых прадметах наслаенні глебы?
  • Якая лакалізацыя наслаенняў глебы на прадметах?
  • Ці з’яўляецца прадстаўленае на даследаванне рэчыва (наслаенні на прадмеце-носьбіце) глебай?
  • Ці прыдатная прадстаўленая на даследаванне глеба для правядзення параўнальнага даследавання?
  • Ці мае глеба (пазначаюцца аб’екты параўнання) агульную радавую (групавую) прыналежнасць??
  • Ці належыць глеба (наслаенні глебы на прадмеце-носьбіце) канкрэтнаму ўчастку мясцовасці?
  • Які механізм утварэння наслаенняў глебы?