Платныя экспертызы*
У адпаведнасці з Інструкцыяй «Аб парадку правядзення на платнай аснове экспертыз па зваротах грамадзян, у тым ліку індывідуальных прадпрымальнікаў, і юрыдычных асоб», зацверджанай пастановай Дзяржаўнага камітэта судовых экспертыз Рэспублікі Беларусь ад 02.02.2016 №8, у цэнтральным апараце і тэрытарыяльных органах Дзяржаўнага камітэта судовых экспертыз Рэспублікі Беларусь вызначаны парадак правядзення на платнай аснове экспертыз па зваротах грамадзян, у тым ліку індывідуальных прадпрымальнікаў, і юрыдычных асоб, згодна з якім для правядзення экспертызы заказчык (фізічная асоба, у тым ліку індывідуальны прадпрымальнік, юрыдычная асоба, якія звярнуліся ў орган Дзяржаўнага камітэта судовых экспертыз за правядзеннем экспертыз) асабіста або праз свайго прадстаўніка звяртаецца ў орган Дзяржаўнага камітэта судовых экспертыз, дзе яму даецца інфармацыя:
- аб пераліку экспертыз, якія праводзяцца на платнай аснове;
- аб кошце і парадку аплаты экспертыз;
- аб рэжыме працы органа Дзяржаўнага камітэта судовых экспертыз.
Экспертызы на платнай аснове праводзяцца на падставе дагавора, які заключаецца ў простай пісьмовай форме паміж органам Дзяржаўнага камітэта судовых экспертыз і заказчыкам (далей – дагавор).
Дагавор павінен змяшчаць наступныя істотныя ўмовы:
- від экспертызы, назву і колькасць пададзеных для правядзення экспертызы аб’ектаў;
- пералік пытанняў, якія вырашаюцца;
- кошт правядзення экспертызы;
- парадак разлікаў за правядзенне экспертызы;
- тэрмін правядзення экспертызы;
- правы і абавязкі, адказнасць бакоў па дагаворы.
Кошт правядзення экспертызы складаецца з выдаткаў на правядзенне экспертызы, а таксама рэнтабельнасці, разлічанай у адсотках ад кошту работ, і вызначаецца ў дагаворы.
Пры правядзенні комплекснай экспертызы яе кошт вызначаецца шляхам сумавання кошту правядзення асобных даследаванняў, якія ўваходзяць у яе склад.
Калі для заканчэння экспертызы па пастаўленых пытаннях неабходна правядзенне дадатковых экспертных даследаванняў, орган Дзяржаўнага камітэта судовых экспертыз у тэрмін, вызначаны ў дагаворы, інфармуе аб гэтым заказчыка і паведамляе яму прыблізны кошт дадатковых экспертных даследаванняў.
Далейшае правядзенне экспертызы ажыццяўляецца са згоды заказчыка пасля падпісання бакамі дадатковага пагаднення да заключанага раней дагавора.
Вынікі экспертызы афармляюцца заключэннем экспертызы (як правіла, без афармлення ілюстрацыйнага матэрыялу).
У заключэнні экспертызы пазначаюцца:
- пералік аб’ектаў, прадстаўленых на экспертызу;
- метады экспертнага даследавання, якія выкарыстоўваюцца (коратка);
- пастаўленыя пытанні і адказы на іх;
- прозвішча і ініцыялы судовага эксперта, які праводзіў экспертызу.
Аб фарміраванні кошту экспертыз
Кошт экспертызы складаецца з кошту матэрыялаў, выдаткаваных на правядзенне канкрэтнай экспертызы, кошту работ, выдаткаў на бягучы рамонт экспертнага (спецыяльнага) абсталявання, а таксама рэнтабельнасці, у выпадках, прадугледжаных заканадаўствам.
Кошт работ разлічваецца зыходзячы з колькасці часу, фактычна выдаткаванага на правядзенне экспертызы, і кошту 1 гадзіны працы эксперта (спецыяліста).
Кошт 1 гадзіны працы эксперта (спецыяліста) вызначаецца на падставе даных бухгалтарскага ўліку і справаздачнасці, зыходзячы з дзеючых умоў аплаты працы экспертаў (спецыялістаў), з улікам гадавога балансу працоўнага часу, колькасці пасад і ўзроўню накладных выдаткаў.
Праз накладныя выдаткі ў кошт гадзіны працы эксперта (спецыяліста) прапарцыянальна ўключаюцца камунальныя выдаткі, паслугі сувязі, транспарту, выдаткі на ўтрыманне апарату кіравання, агульнагаспадарчыя і іншыя бягучыя выдаткі па забеспячэнні дзейнасці Дзяржаўнага камітэта, а таксама амартызацыйныя адлічэнні.
Пры разліку кошту бяруцца даныя бухгалтарскага ўліку асобна па кожным органе Дзяржаўнага камітэта, што дазваляе максімальна аб’ектыўна і эканамічна абгрунтавана адлюстраваць усе выдаткі, звязаныя з правядзеннем экспертызы. Такім чынам, кошт 1 гадзіны працы эксперта (спецыяліста) вар'іруецца ад 40 рублёў 53 капеек - 45 рублёў 47 капеек у тэрытарыяльных органах Дзяржаўнага камітэта, да 72 рублеў 01 капейкі у цэнтральным апараце, дзе больш высокі ўзровень аплаты працы і сканцэнтраваныя дарагія асноўныя сродкі.
Даведачна:
| Найменне падраздзяленняў | Кошт 1 гадзіны працы эксперта (рублёў, капеек) |
|---|---|
| Цэнтральны апарат | 72,01 |
| Упраўленне па Брэсцкай вобласці | 44,48 |
| Упраўленне па Віцебскай вобласці | 42,83 |
| Упраўленне па Гомельскай вобласці | 41,05 |
| Упраўленне па Гродзенскай вобласці | 45,47 |
| Упраўленне па Мінскай вобласці | 40,53 |
| Упраўленне па г. Мінску | 44,55 |
| Упраўленне па Магілёўскай вобласці | 42,68 |
Такім чынам, пры памнажэнні фактычна выдаткаванага на правядзенне экспертызы часу на кошт 1 гадзіны працы эксперта (спецыяліста), даданні кошту выдаткаваных на правядзенне даследаванняў рэагентаў і выдатковых матэрыялаў і выдаткаў на бягучы рамонт экспертнага (спецыяльнага) абсталявання фарміруецца эканамічна абгрунтаваны кошт экспертызы.
Асноўным фактарам, які аказвае істотны ўплыў на выніковы кошт экспертызы, як правіла, з’яўляецца час, фактычна выдаткаваны экспертам (экспертамі) на яе правядзенне. Трэба разумець, што працэс правядзення спецыяльных лабараторных даследаванняў, вывучэння прадстаўленых матэрыялаў вельмі працяглы і працаёмкі. Спешка ў гэтым пытанні можа прывесці да памылак і недакладнасцяў пры падрыхтоўцы заключэння эксперта, адсюль і значны кошт экспертызы.
Кошт асобных экспертыз у большай ступені залежыць ад колькасці і кошту выкарыстаных расходных матэрыялаў. Так, адна з самых запатрабаваных экспертыз – генетычная экспертыза для вызначэння бацькоўства – праводзіцца экспертамі (спецыялістамі) непрацяглы час (каля 5 гадзін пры даследаванні ўзораў трох асоб), але з выкарыстаннем унікальнага абсталявання, якое патрабуе скарыстання дарагіх рэагентаў. У гэтым выпадку кошт затрачаных матэрыялаў будзе найбольш важкай часткай у агульным кошце экспертызы (прыблізны кошт правядзення экспертызы ва ўпраўленні судова-біялагічных экспертыз цэнтральнага апарату Дзяржаўнага камітэта судовых экспертыз пры даследаванні ўзораў трох чалавек каля 220 рублёў).
<pУ выпадку накіравання эксперта да месца правядзення экспертызы дадаткова да кошту правядзення экспертызы заказчыкам аплачваюцца камандзіровачныя выдаткі і транспартныя выдаткі (у частцы аплаты паліва), фактычна панесеныя органам Дзяржаўнага камітэта ў адпаведнасці з заканадаўствам.Больш дакладна вызначыць прыблізны кошт экспертызы да яе правядзення можа эксперт пры афармленні заявы і падпісанні дагавора на правядзенне экспертызы на падставе папярэдняга разгляду наяўных матэрыялаў і аналізу пастаўленых пытанняў.
Калі фактычны кошт правядзення экспертызы меншы за суму, якая паступіла на карысць яе аплаты, падраздзяленне фінансаў і тылу пісьмова паведамляе пра гэта плацельшчыку (плацельшчыкам) і ажыццяўляе зварот лішніх пералічаных грашовых сродкаў заказчыку на падставе пісьмовай заявы – у выпадку ўнясення ім (імі) грашовых сродкаў непасрэдна на разліковы рахунак органа Дзяржаўнага камітэта судовых экспертыз.
За тлумачэннямі па пытаннях, звязаных з пералікам і зваротам сродкаў, варта звяртацца ў падраздзяленне фінансаў і тылу органа Дзяржаўнага камітэта, у якім праводзілася экспертыза.
*Інфармацыя з'яўляецца даведачнай, прызначана для агульнага азнаямлення грамадзян, у тым ліку індывідуальных прадпрымальнікаў, і юрыдычных асоб і не ўтрымлiвае распарадчых альбо іншых прававых функцый.
Упраўленне па Віцебскай вобласці – 8 (0212) 30-20-41
Упраўленне па Гомельскай вобласці – 8 (0232) 22-34-17
Упраўленне па Гродзенскай вобласці – 8 (0152) 50-60-01
Упраўленне па Мінскай вобласці – 8 (017) 270-63-15
Упраўленне па г.Мінску – 8 (017) 222-74-26
Упраўленне па Магілёўскай вобласці – 8 (0222) 73-65-40