Міжнароднае супрацоўніцтва

З моманту стварэння Дзяржаўным камітэтам судовых экспертыз вядзецца актыўная работа па розных напрамках міжнароднага супрацоўніцтва. Фарміраванне шырокай сістэмы камунікацый з судовымі экспертамі розных краін, узаемавыгаднае супрацоўніцтва з праваахоўнымі органамі і іншымі арганізацыямі замежных дзяржаў, а таксама міжнароднымі арганізацыямі - адзін з прыярытэтных напрамкаў дзейнасці Дзяржаўнага камітэта.

Асноўнымі вектарамі міжнароднага супрацоўніцтва Дзяржаўнага камітэта з'яўляюцца:

• абмен вопытам экспертнай практыкі;
• навучанне і павышэнне кваліфікацыі, стажыроўкі судовых экспертаў;
• правядзенне і ўдзел у міжнародных канферэнцыях, семінарах, трэнінгах;
• двухбаковыя візіты і абмен дэлегацыямі;
• дзейнасць Каардынацыйнага савета дзяржаў - удзельніц Садружнасці Незалежных Дзяржаў у сферы судова-экспертнай дзейнасці.

Дзяржаўны камітэт мае паспяховы вопыт узаемадзеяння з судова-экспертнымі ведамствамі дзяржаў - удзельніц СНД, Кітая, Індыі, В'етнама, Аб'яднаных Арабскіх Эміратаў, Ірана, Карэі. На сённяшні дзень заключана больш за 55 міжнародных пагадненняў аб супрацоўніцтве.

Якасць падрыхтоўкі судовых экспертаў у Рэспубліцы Беларусь высока цэніцца ў многіх краінах свету. Менавіта таму штогод дзясяткі замежных судовых экспертаў праходзяць навучанне ў Інстытуце павышэння кваліфікацыі і перападрыхтоўкі кадраў Дзяржаўнага камітэта і стажыроўкі на базе судова-экспертных падраздзяленняў беларускага экспертнага ведамства.

На рэгулярнай аснове цікавасць да навучання ў Інстытуце праяўляюць спецыялісты судова-экспертных арганізацый (падраздзяленняў) Узбекістана, Казахстана, Аб'яднаных Арабскіх Эміратаў, В'етнама.