Дзяржаўны медыцынскі судовы эксперт упраўлення Дзяржаўнага камітэта судовых экспертыз па Магілёўскай вобласці Альберт Рынейскі стаў пераможцам спаборніцтва за званне "Лепшы па прафесіі" сярод праваахоўных органаў па выніках сацыяльна-эканамічнага развіцця Ленінскага раёна г.Магілёва за 2021 год.
Раённае спаборніцтва "Лепшы па прафесіі" праводзіцца адміністрацыяй Ленінскага раёна г.Магілёва штогод. Кандыдатаў разглядае раённая камісія з улікам іх дасягненняў у працы за мінулы год, працоўнага стажу і іншых паказчыкаў. Спіс пераможцаў спаборніцтва зацвярджаецца рашэннем адміністрацыі раёна. Узнагароджваюцца прадстаўнікі розных сфер: адукацыя, прамысловасць, гандаль, будаўніцтва і г.д. На гэты раз упершыню з'явілася асобная намінацыя для супрацоўнікаў праваахоўных органаў. Дзяржаўны медыцынскі судовы эксперт Альберт Рынейскі атрымаў дыплом пераможца з рук кіраўніка адміністрацыі Ленінскага района г.Магілёва Аляксея Багайчука.
Альберту Рынейскаму 31 год, працуе экспертам больш за 6 гадоў. У медыцыну яго прывяло жаданне дапамагаць людзям, лячыць – з такімі намерамі юнак паступіў у Гомельскі дзяржаўны медыцынскі ўніверсітэт. Падчас навучання, ужо на пятым курсе, студэнтам выкладалі дысцыпліну "судовая медыцына". Пасля знаёмства з ёй не толькі ў тэорыі, але і на практыцы Альберт зацікавіўся працай у экспертызе і прыняў рашэнне стаць экспертам Дзяржаўнага камітэта судовых экспертыз. Аднак атрымаць вышэйшую медыцынскую адукацыю для гэтага аказалася недастаткова – пасля заканчэння ВНУ яшчэ на працягу года праходзіў навучанне ў Інстытуце павышэння кваліфікацыі і перападрыхтоўкі кадраў Дзяржаўнага камітэта судовых экспертыз. Пасля чаго Альберт Уладзіміравіч прыступіў да працы ва ўпраўленні судова-медыцынскіх экспертыз упраўлення Дзяржаўнага камітэта судовых экспертыз па Магілёўскай вобласці, дзе ўжо старэйшыя калегі, як кажа ён сам, «кавалі з мяне эксперта».
Для калег ён прыклад не толькі мэтанакіраванасці, адказнасці і вытрымкі, але і адносін да здаровага ладу жыцця. Эксперт прымае ўдзел у спартыўных мерапрыемствах, з'яўляецца членам зборнай каманды ўпраўлення Дзяржаўнага камітэта судовых экспертыз па Магілёўскай вобласці па шахматах. У 2021 годзе заняў першае месца ў асабістым заліку чэмпіянату па шахматах Магілёўскай абласной арганізацыйнай структуры БФСТ "Дынама".
Сваёй перамогай у спаборніцтвах “Лепшы па прафесіі”, прызнаецца Альберт Рынейскі, абавязаны калектыву ўпраўлення судова-медыцынскіх экспертыз: без дапамогі калег ён бы не стаў прафесіяналам сваёй справы.
Ірына Рачкоўская, афіцыйны прадстаўнік УДКСЭ па Магілёўскай вобласці