28 лютага на базе «Сярэдняй школы №13 імя І.І. Якубоўскага» ў Оршы адбылося ўрачыстае адкрыццё ваенна-патрыятычнага клуба «Авангард» для вучняў 5–7 класаў.

Юныя ўдзельнікі далі клятву быць годнымі грамадзянамі сваёй краіны, шанаваць яе гісторыю і быць гатовымі абараняць Радзіму.

Намеснік начальніка Аршанскага міжраённага аддзялення Дзяржкамітэта судовых экспертыз Дзмітрый Ермакоў уручыў хлопцам галаўныя ўборы – сімвал дачынення да патрыятычнай супольнасці і знак адказнасці перад Айчынай.

Свята атрымалася яркім: гучалі віншавальныя словы і музычныя нумары ад ансамбля «Асоль», панавала атмасфера адзінства і гонару. Асаблівую радасць выклікаў прыезд выхаванцаў ВПК «Віцязь», якія падзяліліся вопытам і падтрымалі пачаткоўцаў.

Клубы накшталт «Авангарда» – гэта сапраўдная кузня характару, дзе выхоўваюць любоў да Радзімы, гартуюць волю і перадаюць традыцыі будучым абаронцам Айчыны.

---

Яраслаў Леаненка, афіцыйны прадстаўнік упраўлення ДКСЭ па Віцебскай вобласці