Музей сучаснай беларускай дзяржаўнасці наведалі супрацоўнікі УДКСЭ па Магілёўская вобласці
Супрацоўнікі, асобы грамадзянскага персаналу ўпраўлення Дзяржаўнага камітэта судовых экспертыз па Магілёўскай вобласці і члены іх сем'яў наведалі Музей сучаснай беларускай дзяржаўнасці ў г.Мінску. Мерапрыемства, арганізаванае прафсаюзным камітэтам і афіцэрскім сходам, прымеркавана да ўсенароднага абмеркавання праекта змяненняў і дапаўненняў Канстытуцыі Рэспублікі Беларусь.
Музей сучаснай беларускай дзяржаўнасці, дарэчы, размешчаны ў будынку Адміністрацыі Прэзідэнта, адзін з самых маладых і тэхналагічных у краіне. Адкрыты ў 2012 годзе як філіял Нацыянальнага гістарычнага музея. Цэнтральная ідэя канцэпцыі ўстановы – гэта прызнанне нацыянальнай ідэнтычнасці беларускага народа і суверэнітэту беларускай дзяржавы.
Экспазіцыі музея ахопліваюць перыяд сучаснай гісторыі рэспублікі, пачынаючы з першых гадоў станаўлення дзяржаўнасці і па нашы дні. Прысвечаны палітычнаму, эканамічнаму, навуковаму, культурнаму і спартыўнаму жыццю краіны. Усяго ў фондзе каля 4 тысяч экспанатаў, сярод музейных скарбніц – ордэны «Герой Беларусі» і Францыска Скарыны, макет Беларускага касмічнага апарата, паспяховы запуск якога здзейснены з касмадрома Байканур 22 ліпеня 2012 года, першы ў СНД штучны клапан сэрца, распрацаваны беларускімі спецыялістамі, крагі беларускага хакеіста Руслана Салея, памятная манета Нацыянальнага банка Беларусі «Крыж Еўфрасінні Полацкай» і іншыя.
Дарэчы, маецца ў музеі і экспазіцыя, прысвечаная дзяржаўным органам, якія адказваюць за бяспеку краіны. Зарэзервавана ў ёй месца і пад атрыбутыку Дзяржаўнага камітэта судовых экспертыз – самага маладога ведамства ў сістэме дзяржаўнай бяспекі.
Наведванне Музея сучаснай беларускай дзяржаўнасці дазволіла супрацоўнікам не толькі пашырыць свае веды аб сучасных дасягненнях беларусаў, даведацца аб малавядомых цікавых фактах, але і глыбей прачуць ідэю нацыянальнай ідэнтычнасці і гонар за сваю краіну.
Ірына Рачкоўская, афіцыйны прадстаўнік УДКСЭ па Магілёўскай вобласці
Ірына Рачкоўская, афіцыйны прадстаўнік УДКСЭ па Магілёўскай вобласці