Дзяржаўны камітэт судовых экспертыз
Рэспублікі Беларусь

Аб'ектыўнасць. Гонар. Айчына.

Афіцыйны сайт

Экспертыза металаў, сплаваў і вырабаў з іх

Прадмет

Прадметам экспертызы металаў, сплаваў і вырабаў з іх з’яўляюцца фактычныя даныя, якія высвятляюцца і сведчаць аб сувязі з падзеяй здарэння, якая расследуецца, канкрэтных аб’ектаў з металаў, сплаваў і вырабаў з іх.

Аб’ект

  • металічныя вырабы пэўнага прызначэння (вырабы з каштоўных металаў, часткі боепрыпасаў, дрот, манеты і інш.), інструмент (пілавальныя палотны, напільнікі, пласкагубцы і інш.), металічныя фрагменты (мікрачасцінкі), вопратка і абутак са слядамі металізацыі, рэчывы, якія змяшчаюць металы (парашкі, вадкасці і інш.).

Задачы

  • ідэнтыфікацыйныя;
  • класіфікацыйныя;
  • дыягнастычныя.

Ідэнтыфікацыйныя – агульнай радавой (групавой) прыналежнасці аб’ектаў параўнання; вызначэнне прыналежнасці да адной масы, плаўкі, партыі; вызначэнне крыніцы паходжання.

Класіфікацыйныя – вызначэнне прыналежнасці металу (сплаву) да пэўнага віду ў адпаведнасці з прынятымі ў навуцы і тэхніцы класіфікацыямі; вызначэнне канкрэтных уласцівасцяў, тэхналагічных параметраў і іншых характарыстык аб’ектаў з металаў (сплаваў); вызначэнне адпаведнасці канкрэтных уласцівасцяў, тэхналагічных параметраў нарматыўна-тэхнічнай дакументацыі (ТУ, ДАСТу і да т. п.).

Дыягнастычныя – вызначэнне факта наяўнасці мікрачасцінак і слядоў металаў на прадметах-носьбітах; вызначэнне мэтавага прызначэння металічных аб’ектаў, не змененых у сувязі з падзеяй даследавання; вызначэнне характару і механізму разбурэння металічнага аб’екта; вызначэнне наяўнасці дэфектаў, парушэнняў прадпісанай тэхналогіі вырабу.